影片
更多
2021-08-06
63 瀏覽
已經好耐冇食放題，特別鍾意有得打邊爐兼食魚生嘅放題~~ 呢間自助形式落單，掃個QR code，已經唔係傳統寫紙仔😢又變成時代嘅產物。講返環境先，有卡位坐，舒服闊落既。價錢方面就星期一至四 $228。放題黎講，仲要有得打邊爐，算係抵食。蔬菜類方面都多選擇，淨係疏菜都有六款：西蘭花、菜心、娃娃菜、生菜、白菜、仲有一款唔太肯定 (莧菜?)。其他都係d大路野啦~~飲品都有野簡，有得任飲生啤，咖啡。🔺壽喜燒一人鍋特別在於可以揀一人鍋或者二人share一個大鍋，鍾意開心share嘅朋友或者鍾意獨食嘅朋友都有得揀！湯底唔錯，係甜日式豉油味，唔會太鹹啱啱好， 浸娃娃菜個陣會食得出壽喜燒湯底原味，好正🤪🔺蟲草花松茸湯一人鍋呢個就足料喇，因為湯底真係有蟲草花，但放心唔會太重藥材味，反而係幾香嘅菇茸味。 鍾意養生嘅可以揀呢個湯底。🔺草飼牛舌 (頭盤送)雖然薄薄地但勝在有彈性，爽口，鍾意食牛舌既朋友應該都會鍾意食嘅。🔺 極上牛肉唔會太肥， 又有少少油花，啱曬女仔食~~🔺大白蜆有蜆嘅鮮味，無沙，唔錯。🔺燒茄子 其貌不揚但食落又幾好食，應該係用咗日式醬汁去燒。🔺千島燒蟹蓋朋友話呢個一般，有少少蟹肉既，但我諗喺放題
蔬菜類方面都多選擇，淨係疏菜都有六款：西蘭花、菜心、娃娃菜、生菜、白菜、仲有一款唔太肯定 (莧菜?)。其他都係d大路野啦~~飲品都有野簡，有得任飲生啤，咖啡。
🔺壽喜燒一人鍋
特別在於可以揀一人鍋或者二人share一個大鍋，鍾意開心share嘅朋友或者鍾意獨食嘅朋友都有得揀！湯底唔錯，係甜日式豉油味，唔會太鹹啱啱好， 浸娃娃菜個陣會食得出壽喜燒湯底原味，好正🤪
🔺蟲草花松茸湯一人鍋
呢個就足料喇，因為湯底真係有蟲草花，但放心唔會太重藥材味，反而係幾香嘅菇茸味。 鍾意養生嘅可以揀呢個湯底。
🔺草飼牛舌 (頭盤送)
雖然薄薄地但勝在有彈性，爽口，鍾意食牛舌既朋友應該都會鍾意食嘅。
🔺 極上牛肉
唔會太肥， 又有少少油花，啱曬女仔食~~
🔺大白蜆
有蜆嘅鮮味，無沙，唔錯。
🔺燒茄子
其貌不揚但食落又幾好食，應該係用咗日式醬汁去燒。
🔺千島燒蟹蓋
朋友話呢個一般，有少少蟹肉既，但我諗喺放題食蟹蓋應該唔好期望太多。
🔺三文魚、甜蝦、八爪魚
新鮮，冇雪藏味，可以接受。
🔺 串燒日本雞軟骨
爽口，燒得香脆。
張貼
