創軒火鍋放題 (已結業)

一年四季都會打邊爐，依間幫襯唔止第二、三次，平靚正。有時4、5個人坐卡位好舒適，邊食野邊傾計。服務態度都好好（無收服務費加一算係咁）試過假期7點幾8點好full，隊尾排到lift口，排左8分鐘就有，都幾快。Ps.我通常都係平日去。因為唔食得辣，雞煲唔辣又會無左果種野味，所以幾乎每次都係點鴛鴦湯底，同朋友比較易夾無可挑剔。食物種類好多，丸類都有十幾廿款，每樣都點左少少，特別有個叫芝士雙響丸真係一試便愛上，個外型好似嘴脣，咬落去濃濃的芝士味，芝士迷必點！仲有自家製炸響鈴同炸魚皮好穌脆，應該係即日炸。佢地d菜真係要比個like，好新鮮，每次都點一大盤菜都照清曬，識食烏冬既就知稻庭烏冬正野，今次試左個鮮水魷，唔錯。總括黎講任食都有既質素我覺得值了，叫左2grounds 野食就夠曬飽。打邊爐點可以缺少野飲，平時來來去去得可樂、7喜果d，依到比較特別，有韓國樂天梳打汽水，仲有韓國啤酒都係任拎，好照顧每個客人需要，識打邊爐既會繼續幫襯。