六両三.台灣食堂 (已結業)

今日喺觀塘行完街，見到附近有間台式一人一鍋邊爐主打冇味精湯底，就去左試下🍲 朋友揀左鹿兒島豚梅肉，我就+$25 叫左澳洲草飼M5牛頸脊。再叫左$48個個加購優惠 叫咗一杯白桃烏龍奶蓋 + 一支stella artois 同埋澳洲M7和牛後腿肉眼。先講個湯底🍲 (唔用味精)牛骨沙茶湯底同港式沙嗲聞落似，但食落有啲唔同！ 小小辣小小花生味又唔會太濃或者太膩， 平時唔鍾意食港式沙嗲嘅我，都覺得呢個牛骨沙茶湯底同d 食物配合得好好，唔會蓋過食物味，但又幾特別，幾惹味！藥膳麻辣湯底 啱晒想食辣又唔食得太辣嘅人！ 藥膳同麻辣嘅味夾得啱啱好，養身得黎又食到辣😋 餐廳講到明湯底唔用味精，食落又真係覺得冇味精，打完邊爐返到屋企都冇口乾嘅感覺。🐂🐖不得不說，澳洲草飼M5牛頸脊真係好好食 💯肉肥瘦適中，又好有牛味，加$25 真係抵試！ 澳洲M7和牛後腿肉眼冇咁多油脂 ，但都好有牛味。鹿兒島豚梅肉入口幾軟熟，唔會乾。白桃烏龍奶蓋有白桃味同埋清清嘅茶香，奶蓋唔會太甜太膩，整體幾清新 ，解到打邊爐嘅膩。荔液滿白峰荔枝爆珠波波酸酸甜甜，配合仙草嘅青味，加埋個雲呢拿雪糕，最啱打完邊爐食，順便下下火。