打工人工作日犒勞自己必沖呢個優惠！淨係周一至五中午12點到下午4點有，四小時海鮮火鍋任食任飲，仲按人頭送大閘蟹，簡直抵到無朋友～
送嘅大閘蟹真係驚喜滿滿！膏多到爆晒出嚟，入口鮮甜多汁，蟹肉飽滿彈牙，鮮味直衝天灵蓋，單食呢個已經值回票價～
海鮮區選擇超誇張，即刻衝去自己撈！蟶子、花螺新鮮到會郁，貴妃蚌肉厚爽脆，九節蝦生猛彈牙，三點蟹膏肥肉嫩，食兩輪海鮮已經好满足，完全可以放肆食～
除咗海鮮，熟食都好出色！炸乳鴿外皮酥脆，肉質嫩滑多汁；鵝肝多士香濃軟滑，唔會太膩。木瓜燉鮮奶清甜滋潤，食完暖笠笠好舒服～
仲有啤酒、甜品、生果任食任飲！甜品款式多，生果新鮮清甜，食完重口味海鮮嚟返一款超解膩。四小時時長好充裕，慢慢歎唔會趕，服務員補貨好快，唔使等。無論約同事午餐定朋友下午茶聚餐都超適合，打工人千祈唔好錯過呢個福利！
