阿爺八鮮鍋 (已結業)

疫情急轉高峰期，今日突然想食雞煲但又唔想出街...上網搵吓有咩啱食啦！搵搵吓就搵到呢間可以外送雞煲打邊爐🍲真係好方便呀直送到府上！啱哂我哋大食懶😂😂阿爺八鮮鍋有9個唔同嘅餐任揀！我哋揀咗$388「繼續努力二人套餐」：🥢阿爺招牌雞煲（半隻）：有麻辣/唔辣！份量點止半隻，惹味好味更抵食😋🥢老雞赤肉燉花膠魚翅：花膠魚翅足2兩，多到食唔晒😆精華梗係留起仲可以煮膠原蛋白麵🤪我懷疑花膠受過輻射㗎...超大舊囉！🥢安格斯牛小排（半磅）：切得夠薄！牛味濃郁唔韌，淥兩三吓就食得👍🏽🥢泥鯭魚（2條）：第一次打邊爐食泥鯭，劏好晒淥一陣就食得，大大條啖啖肉好鮮味😋🥢黑豚肉：大大片，淥熟咗都仲好嫩滑！🥢真手打蟹籽蝦丸：口感同蝦滑一樣咁爽口彈牙🥢真手打黑松露墨魚丸：未食過咁彈嘅魚丸😲🥢噴汁潮州牛丸：重牛味，又多汁🤩🥢8吋長蟹柳：8吋長過對筷子🤣🤣最like佢點淥都唔會散🥢時令油麥菜 一份總結：懶人喜訊！抗疫潮流！阿爺有計！全部新鮮生out out送到你屋企🦞🦀🐟🦐下次唔想打邊爐，要試埋佢哋有私伙菜式可以order🤤🤤