狂野麻神麻辣火鍋 (已結業)

*此餐廳收取加一服務費。海鮮二人餐（單點$958），海鮮拼盤內有2隻南非六至八頭鮑魚、2隻紐西蘭蟶子皇、4隻紐西蘭刀貝、6隻蕃薯蜆，鮑魚、蟶子皇都好大隻，每款海鮮食落都好新鮮，味道鮮甜招牌麻神麻辣鍋拼花膠雞鍋（跟餐$0）；麻神麻辣鍋辣度6分，帶有藥材味道；內有6件招牌果凍鴨血，每件鴨血都好大件，食落好有驚喜，口感滑溜之餘，內有氣孔，所以一咬落口，就有好多湯汁喺口腔；花膠雞鍋內有花膠、雞肉、杞子，味道清甜，但飲落仲有浸鹹蛋黃味道。迷你牛肉盛，份量多，牛小排、牛頸脊肉質嫩滑，牛味濃厚，一口牛肉質厚實，脂肪比例均匀。迷你松板豬，肉質厚嫩，肉味厚重。雙拼餃子（跟餐$0），韭菜餃皮薄餡多，韭菜、豬肉比例適中；魚皮餃好大粒。雙拼丸類（跟餐$0），手打牛肉丸口感彈牙，肉汁飽滿；鯪魚肉丸內有香蔥，食落有鮮味。翠綠時蔬拼盤（跟餐$0），包括有冰菜、皇帝菜、番茄、娃娃菜、南瓜、粟米、冬菇，籃底仲塞滿娃娃菜。椒鹽豆腐粒（跟餐$0），，口感外脆內嫩，味道微辣。極上冷凍烏龍麵（跟餐$0），口感煙韌，煮一煮已經好入味。小菜（跟餐$0），包括有鹽焗花生、麻辣雞腎、涼拌雲耳，食落好惹味。醬料（跟餐$0），包括有香蔥、