大滿喜日本料理 (已結業)

每次食放題都要去到油尖旺區而家近近地係觀塘區都有得食放題喇每次經過都見到大排長龍 一定好好食啦😋今次早少少去到 排左一陣隊就入得啦一入座個職員就介紹我地食新出嘅鍋物鍋物選擇有三款 除咗有牛肉壽喜燒仲有川味龍躉鍋同埋花膠雞鍋 除此之外仲有超過三十款鍋物無限任加火鍋料估唔到日式放題都有得打邊爐😂最後同行嘅朋友仔都係揀咗牛肉壽喜燒d牛肉雪花分布均勻一啲都唔係平時街市擺到嘅普通肥牛，個刺身拼盤刺身非常新鮮，三文魚好好味個擺設仲要好靚添。我哋仲點左啲壽司卷物，個花之戀都好好食飲品方面值得一讚 平時食放題都係得汽水呢到有熱柑桔！啱晒呢排天氣凍既時候甜品都好多選擇 我試左益力多奶凍 清清地幾好食 最後點少得燒菠蘿 菠蘿新鮮熱辣燒出嚟好好味好juice