影片
更多
2021-01-29
2706 瀏覽
2021年1月24日 星期日進行緊生酮既我地，終於嚟到星期日，亦即係每個星期一次嘅cheat day，可以瘋狂放肆一餐，於是就嚟到西環既呢一間日式火鍋，貪佢可以任叫任食，一個價錢乜都包晒點餐係用scan QR code既形式，唔需要專登叫店員過嚟咁麻煩，而且可以圖文並茂睇到食物，仲清楚寫低落左單嘅數量添，唔怕點完餐之後唔記得咗冇諗到連海鮮都可以任點任食，而且種類都唔少，就連蝦都有大頭蝦同虎蝦可以揀添點完餐等咗冇幾耐火鍋就嚟到，餐廳可以提供一人一鍋或者一個鴛鴦鍋，我哋覺得鴛鴦鍋可以放食物既位置多啲，所以就要左豬骨湯底同蕃茄湯底，一嚟就見到左手邊嘅蕃茄湯底裏面放咗好多蕃茄，令到成個湯底變埋紅色添，至於左手邊嘅豬骨湯底就好香濃，一啲都唔稀之後食物就陸續送到，首先有海鮮拼盤，每一款都好新鮮，見到啲蝦仲生猛到係咁跳，淥熟之後夠晒彈牙，蝦肉唔會痴殼至於蜆就完全無沙，事前既清潔工夫做得好好跟住有特選牛肩胛，脂肪分布好平均，而且切得好薄，所以一放落去火鍋到就好快熟，食落去充滿牛肉味另外仲有豚肉同雞髀肉，睇落去好有光澤，雞肉淥熟咗之後肉質仍然保持嫩滑，仲要完全冇骨，可以好放心咁食出面有唔少食物可以挑選，
進行緊生酮既我地，終於嚟到星期日，亦即係每個星期一次嘅cheat day，可以瘋狂放肆一餐，於是就嚟到西環既呢一間日式火鍋，貪佢可以任叫任食，一個價錢乜都包晒
點餐係用scan QR code既形式，唔需要專登叫店員過嚟咁麻煩，而且可以圖文並茂睇到食物，仲清楚寫低落左單嘅數量添，唔怕點完餐之後唔記得咗
冇諗到連海鮮都可以任點任食，而且種類都唔少，就連蝦都有大頭蝦同虎蝦可以揀添
點完餐等咗冇幾耐火鍋就嚟到，餐廳可以提供一人一鍋或者一個鴛鴦鍋，我哋覺得鴛鴦鍋可以放食物既位置多啲，所以就要左豬骨湯底同蕃茄湯底，一嚟就見到左手邊嘅蕃茄湯底裏面放咗好多蕃茄，令到成個湯底變埋紅色添，至於左手邊嘅豬骨湯底就好香濃，一啲都唔稀
之後食物就陸續送到，首先有海鮮拼盤，每一款都好新鮮，見到啲蝦仲生猛到係咁跳，淥熟之後夠晒彈牙，蝦肉唔會痴殼
至於蜆就完全無沙，事前既清潔工夫做得好好
跟住有特選牛肩胛，脂肪分布好平均，而且切得好薄，所以一放落去火鍋到就好快熟，食落去充滿牛肉味
另外仲有豚肉同雞髀肉，睇落去好有光澤，雞肉淥熟咗之後肉質仍然保持嫩滑，仲要完全冇骨，可以好放心咁食
出面有唔少食物可以挑選，包括各款丸類、蔬菜同菇類，仲見到店員會不斷refill，唔怕冇晒嘢食
另外仲有飲品櫃，裡面嘅飲品都係任飲，除咗一般嘅汽水之外，仲有韓國嘅飲品，就算想飲解茶都有添
冇諗到仲有雪糕雪條食，而且雪糕仲要有三款唔同嘅味道，有我最鍾意嘅綠茶味添！！
至於雪條就係韓國雪條，細細條食完之後都唔會太飽，一個人食幾條都得
至於調味料區方面，有各式各樣嘅調味料自由選擇，其中當然唔少得有蒜蓉同炸蒜，係打邊爐必備嘅，加埋葱同辣椒，醬汁簡直係一流
除咗火鍋之外，餐廳仲有提供其他小食任點任食，我哋每樣都叫咗少少，因為雞翼都有好多款可以選擇，好彩餐廳提供嘅係單骨雞翼，等我哋可以一次過試晒大部份味道，其中最吸引我嘅係土匪雞翼同蒜香牛油雞翼，因為土匪雞翼嘅味道比起連鎖米線店提供嘅土匪雞翼味道更勝一籌，辣得黎唔會口渴，而蒜香牛油雞翼就充滿牛油嘅香味
另外仲有炸蝦丸、炸牛丸同炸蝦餅，食落去唔會覺得太過油膩，仲食到撒係上面嘅調味粉，幾惹味
最後仲有庶蝦同燒牛舌，兩款都燒得好香口，點埋沙律醬簡直一絕，完全冇諗過火鍋店可以有咁多嘢食，呢一餐真係爆曬quota，之後又要過返清淡既飲食生活啦
張貼
