極品煮意 鷄煲.烤魚.火煱 (已結業)

係葵芳打完波，就係格離有間火鍋雞煲，夠哂方便就腳！成班波友一齊上去醫肚。大家都話成日雞煲，一於叫個麻辣烤魚試下。中辣已經好香口惹味，而家條魚好大條，份量十足。烤魚仲有其實配料，粉絲，娃娃菜，豆卜等；索哂麻辣湯底既香辣味，正！！呢度d肥牛味道唔錯，可惜太薄，一夾就斷。如果可以厚d大塊d咁就完美嘞~雞子，好大粒，烚完都無點縮細，好鮮👍🏻要讚下響鈴同芋頭，響鈴炸得好香脆；芋頭切成條狀易夾又易食，口感夠粉，我中意！蔬菜籃都係任攞的，有生菜，油麥菜，西洋菜等選擇。任飲飲品好多選擇，見到都開心！成日都話，做好多好多運動，係為左食更多更多好西。哈哈！