一休日本料理 (已結業)

好耐之前曾食過呢間火炙板壓壽司，隨即愛上它，所以今天特地來再食過! 因閒日的關係，無須等位便可入座，不過店內亦近乎滿座，四人枱都分成二人枱，座得都幾逼，想擺下野都冇咩位。因友人和我都喜歡三文魚，所以點到滿枱也是呢!最先來到的是，三文魚壽司及刺身，三文魚都算新鮮，而且好好食~啖啖肥美，入口甘香值得一提，刺身是買滿$100，另額外加廿幾蚊換半磅，有好多塊，都幾抵食。特地為它而來的火炙板壓壽司到啦! 店員即時為它點著火，眼見芝士慢慢溶到火炙三文魚上，即流口水，火熄滅後，將芝士塗在三文魚上，令它更入味，食落芝士味好濃，帶點微鹹，而底層飯亦唔會散開一舊舊，非常滋味 極力推介呀!芝士軟殼蟹卷味道尚算OK，不過軟殼蟹太淋，而且飯唔夠實，一夾就散開。驚唔夠飽所以叫左個海膽飯無咩味道，而且太乾身，食落一粒粒咁，唔太好食，下次唔會再叫。總括而言，除了火炙板壓及各三文魚外，其他野真係麻麻地...