漢堡王 (已結業)

上星期去泰國, 好開心, 但係班機好鬼早, 入了閘才發覺仲有少少時間, 食個早餐先.雖知上機都有飛機餐, 但除了 virgin air及 jal, 我食過咁多都係又唔好食又唔健康的.反正我和女友都好餓, 所以食左先講!本想食 大力水手, 因除了機場, 香港冇其他地方有, 但見到個whopper o既相, 結果都係受唔住 whopper 的誘惑...$40 一個最基本的 whopper 餐, 好!塊肉係火燒的, 而不是煎的, 這才是賣點. 但 flame grilled 我又食不出有咩特別, 唔用眼看, 我未必分得出.也可能太餓, 食到狼吞虎咽, 食唔出呢...塊肉也不算特別厚, 同麥記 triple o差唔多.(死啦, triple o 已被我降級到和老麥同級了~)但其他成份, 如蕃茄, 菜及洋蔥都好新鮮, 大概是人流多吧, 係不停有客人的, turnover 高自然食物也去得快.薯條都幾脆, 又係剛炸起.啜啖可樂, 正呀~*希望電車路果間快 d 裝修完啦, 今日行過, 見到個地壚仲有掛整呢...