一茶詞 (已結業)

太子地鐵站一出就有好多台式飲品嘅選擇。見到呢間野攞咗OpenRice 頭5名，所以就買咗兩杯飲下，睇下係咪真係咁好味！呢間鋪頭有兩個位可以俾人坐下，又可以打下卡。擺咗兩盤盆栽係枱面，加埋個background都有d文青feel！呢杯係黑糖珍珠奶茶，佢有啲黑糖掛邊，配埋未完全撈勻嘅奶茶， 望落好靚！佢飲落都唔錯！珍珠好有黑糖味，都好煙韌。奶茶唔會好甜，好香茶味！另外叫咗火焰黑糖珍珠鮮奶，佢面頭嗰果火焰係加咗啲糖喺奶蓋上面，然之後用火槍燒，變成焦糖。呢個令到杯嘢飲多咗一層口感，好特別！佢個奶蓋都好正，配埋個鮮奶真係好濃郁！佢有一款嘢飲面頭有燒過嘅棉花糖，感覺好得意。平時bbq 都一定要食燒棉花糖，唔知加咗落杯嘢飲上面係點嘅呢？下次嚟一定會叫黎飲下！