VEGETABLE PAELLA 素菜什錦飯 $168
(Seasonal vegetables, paprika, garlic
季節性蔬菜•辣椒•大蒜)
近排鍾意咗素食，清清地叫咗個素菜什錦飯，不過越食越辣哈哈哈🤣 一開始第一兩啖完全唔覺得辣，但係辣椒嘅辣味後勁凌厲，飲咗成杯水都仲係好辣，不過呢種辣係好食嘅，唔係化學辣味，真正天然嘅辣味反而係能夠提升到食慾，正呀！
CHICKEN PASTILLA 珠雞千層批 $118
(Filo pastry, chicken, eggs, cinnamon
酥皮，雞肉，雞蛋，肉桂)
上枱嘅時候我有一刻懷疑係唔係珠雞千層批，個樣同平時嘅有啲唔同，不過呢個係超級好食！入面燉爛左嘅雞肉係用咗好多香料炮製而成，每一啖都有北非香料嘅味道，非常之惹味，肉桂香味非常之突出，再加上酥皮十分之脆口，每一啖都令人齒頰留香🤤
BANANA FILO酥皮香蕉香酒卷 $78
(Filo pastry, ripe banana, flamed with liqueur
酥皮、香蕉、烈酒)
有我喺度又點會唔叫甜品呢，叫咗一個酥皮香蕉香酒卷，上枱嗰一刻又係令我呆咗幾秒，竟然係用一個中式砂鍋上甜品，然後侍應開始點火，相機食先！見住好似春卷咁樣嘅卷物喺火焰之中燃燒起嚟，認真影相好靚📸 然後呢款甜品係十級好食，liqueur嘅酒香深深滲入酥皮嘅每一層，經過香酒燃燒香蕉係酥皮入面已經溶化，外脆內軟入口即溶，口感猶如上天堂般美妙，再加上砂鍋內酸酸甜甜嘅士多啤梨糖漿，根本就係錦上添花，絕妙絕妙！
