聚知坊 (已結業)

今日嚟火炭接朋友收工，順便陪朋友試吓呢間新開嘅餐廳😆餐廳入面超大，好多位仲有卡位，晚上唔多人，好有以前返學食canteen嘅感覺，可以揀是日精選，或者係日式便當、喇沙系列、飯系列，另外下午茶都有撈麵系列。我同朋友揀咗是日精選嘅黑椒雞髀飯、羅宋湯牛粒通。個人更加鍾意羅宋湯牛粒通，湯底夠濃郁，又有肉香味，黑椒雞髀飯就較為普通，不過勝在雞髀夠大隻，又炸得脆香肉嫩。另外仲試咗份小食雞肉串，有四串。$50一個餐連飲品，飲品可以係汽水或者枝裝烏龍茶，呢個價錢嚟講好合理。