五目屋

營業中

休息中

今日去到灣仔區出site，見門面幾靚仔就闖左入去。Lunch黎講算係咁，價錢落係$6x-$7x 一個飯跟湯/熱茶。打工仔日日都諗食咩，偶爾食下呢間可以換新口味。畢竟開係灣仔寫字樓/商店林立既旺區，價錢算ok架啦～如果係平日行街去食飯，我會話麻麻地仲好x貴。一個普通食量男仔食 份量應該岩岩好。特製吉列豬扒蛋包飯$68 配餐湯個日個海帶湯有啲太甜，可能咁啱失準⋯⋯個豬扒唔係原塊豬扒，係將豬肉攪碎然後合埋，好似漢堡包入面嘅豬扒嘅口感。外面嗰層炸衣超級深色 唔知翻炸咗幾多次或者炸完攤咗喺度幾耐。但係佢個咖喱汁都好食，可以揀辣或者唔辣。我叫咗唔辣，個咖喱咸中帶甜，其實都幾重口味。個飯有驚喜！係炒飯黎！入面有洋蔥紅蘿蔔 意料之外地好食！個蛋都幾滑。唔錯。配菜仲會跟醃蘿蔔。如果大家去食 建議嗌流心芝士漢堡扒～覺得呢個價錢，呢一區，肯定有更好既選擇，不過偶爾想換下口味都可以一試。總結:灣仔番工人士可以一試。