今次去灣仔QRE Plaza 26樓嘅Misu Seafood Cuisine，一出電梯已經俾聖誕裝飾閃親！全場吊住雪花同聖誕裝飾，玻璃窗倒影住灣仔夜景，浪漫到呢⋯⋯坐低未食先興奮！
晚市套餐（$298/位） 性價比高到嚇親人：
· 加$38嘅魚生沙律，角切三文魚、油甘魚咬落冰涼爽甜，配埋新鮮沙律菜，個汁醒胃得嚟唔搶鮮味。
· 蘋果木煙燻鰤魚真係有驚喜！上菜時揭開玻璃蓋，煙燻香氣撲鼻，魚肉油潤得嚟帶住微微果木甜，儀式感滿分！
· 鮮打𩶘魚湯（+$38） 煲到奶白色，飲一啖個魚香衝上頭，濃郁到黏嘴唇，但完全冇腥氣，飲完成個人暖笠笠。
· 酥皮焗法國鴨肝、煙三文魚及鮮乳鴿（+$68） 直頭係海陸空大合集！酥皮焗到金黃鬆化，一切開鴨肝嘅油香、煙三文魚嘅鹹鮮、乳鴿嘅野味夾埋爆發，層次多到數唔清！
· 豆腐雪糕豆味清雅，雜莓雪糕酸甜醒神，兩者各有千秋，完美收尾。
總括嚟講，$298喺灣仔鬧市望住高空夜景，食到一個咁高質嘅晚餐，真心抵～ 如果聖誕前夕想俾啲儀式感自己，食個decent嘅lunch或者晚餐，呢度絕對係一個好選擇～
