泰國人氣甜品店 After You
9月初剛剛在灣仔利東街新開左旗艦店!!
佢地既鎮店之選, 刨冰是港人遊泰必食!!
今次唔使去泰國都食到喇~~
由於係假日下午peak hour,
我地由拎飛到入店大約都要50mins,
建議大家可以一去到先取飛,
再周圍行下街, 利東街咁岩有中秋燈籠
記得去打打卡
我地一共點了3個甜品:
泰式奶茶刨冰
芒果糯米飯吐司
朱古力士多啤梨班戟
泰茶是自家品牌配方, 茶味香醇馥郁, 甜度適中,
頂層有忌廉奶醬及杏仁片, 而刨冰內層則有仙草啫喱粒及多士粒!!
口感豐富, 超級好食!!
蜜糖吐司重牛油香, 仲好香脆添,
芒果糯米飯又多料, 原來同蜜糖吐司個味好match!
呢個相比之下有D被比下去
但其實個pancake煎得好好食, 好香好軟好有蛋味,
所以呢個最岩小朋友食XD
成份差不多比我仔食晒XDD
下次去開灣仔又多個地方食野~~
