影片
更多
2013-02-07
52 瀏覽
小妹某次經過餐廳門口，就被佢哋的裝修深深吸引。二十多級的樓梯畫有圖案，旁有得意石像小和尚，緊接就見"KOH THAI"深色招牌。今日，專程帶哎呀老斗去呢度食團年飯，還捨電梯而行樓梯添﹗一上到去，嘩﹗嘩﹗嘩﹗好靚啊﹗裝潢摩登優雅，四周陳列動作不一的石像小和尚、小燭台、玻璃水缸載滿鮮花、木製擺設等，更種有綠色植物。門口左手邊係開放式的酒吧區，有藤椅玻璃枱及顏色鮮艷的布藝sofa枱；右手邊係餐飲區，內外都有用餐枱，室內用餐更對正開放式廚房。餐廳充滿東南亞清新明麗、舒適自然中見優雅的氣息。幸好小妹一早訂了位，餐廳好快就滿座了﹗我哋被安排坐酒吧區戶外藤椅枱，view一流﹗怕辣的小妹叫左泰式干炒海鮮河粉 ($108)，包一前菜及飲品；哎呀老斗叫左馬沙文咖哩羊肉($148)，包一前菜、飲品及是日甜品。柚子沙律 – 份量頗多，兩人share則剛好。材料豐富，有柚子粒、芝麻、青瓜、蕃茄仔、蘿蔔絲及蔥粒，酸中帶甜，醒神開胃。炸青菜春卷 – 中規中矩，味道ok。馬沙文咖哩羊肉 – 哎呀老文話d羊肉冇羊味，咖哩味淡；薯仔外香內嫩，好味。泰式干炒海鮮河粉 – 河粉每一條都是鬆開，並且上色平均，一食，乾爽少油，最
幸好小妹一早訂了位，餐廳好快就滿座了﹗我哋被安排坐酒吧區戶外藤椅枱，view一流﹗怕辣的小妹叫左泰式干炒海鮮河粉 ($108)，包一前菜及飲品；哎呀老斗叫左馬沙文咖哩羊肉($148)，包一前菜、飲品及是日甜品。柚子沙律 – 份量頗多，兩人share則剛好。材料豐富，有柚子粒、芝麻、青瓜、蕃茄仔、蘿蔔絲及蔥粒，酸中帶甜，醒神開胃。
炸青菜春卷 – 中規中矩，味道ok。
馬沙文咖哩羊肉 – 哎呀老文話d羊肉冇羊味，咖哩味淡；薯仔外香內嫩，好味。
泰式干炒海鮮河粉 – 河粉每一條都是鬆開，並且上色平均，一食，乾爽少油，最重要是碟底沒有油，可見廚師炒河粉的功力到家。配料除左雞蛋，還有魷魚、蝦、青口及帶子各兩隻，口感不俗。
凍檸茶 – OK。
咖啡 – 超香滑濃郁咖啡味，喝來清淨明亮、香氣飽滿怡人，實屬佳品﹗睇佢哋介紹，先知咖啡係出自Perla Mora。惜附送的花生脆糖有沙粒。
香芒糯米飯 ($50) – 額外叫的甜品，鮮甜芒果配合熱騰騰、煙煙韌韌的黑白糯米飯，再灑上白芝麻，與椰汁混合嚟食，鮮甜糯滿溢﹗一言以蓋之，係小妹迄今食過最好味甜品之一﹗不過，若芒果雪凍d，再加上一球雪糕，冷與熱的結合，肯定會更加好味﹗﹗朱古力Brownies – 跟餐送的，初入口怪怪的，味道、口感與坊間有別，但漸漸又會覺得越吃越好味，叉一小塊、配上淡椰奶，放入味蕾慢慢品嚐，朱古力味、核桃味及薑味混為一口，味道豐富。
張貼
