影片
更多
2023-03-26
87 瀏覽
明明早幾日都好熱，今日無啦啦突然涼左，落雨，著少左衫出街，凍凍地，搞唔掂，晚餐一於黎個雞煲打邊爐回回體溫先！呢度雖然做雞煲火鍋，但環境一d都唔麻甩，走高尚優雅路線，企理乾淨，清靜雅緻，好好坐！仲有半開放位置，車泊正喺出面仲可以睇住。一坐低店員就已經準備好醬料俾我地揀，有豉油、葱、辣椒、蒜蓉、炸蒜、沙嗲醬、花椒油，都好齊全。雞煲（雞脾半份） $178雞煲有得揀雞脾/雞胸/全隻雞，雞脾就啖啖肉，2個人叫半隻就夠！一上台就聞到撲鼻嘅花椒八角香料香氣，呢度既小辣，辣度啱啱好，仲帶少少甜味！惹味好味！入面仲免費有豬皮同娃娃菜！！豬皮索晒d雞煲汁，有少少甜甜地，超好食！另外店員服務好好，時不時會行過嚟幫我哋畢下個雞煲，調較火力，make sure個雞煲唔會黐底。服務讚！清熱滋潤竹蔗茅根($58)超級冰凍！清甜，配雞煲啱曬！食完雞煲可以加湯再打邊爐，我哋揀咗清熱下火既 清香皮蛋芫茜湯($43)，因為本身已經有個雞煲醬汁底，再直接加湯喺入面，其實後面嘅食物都唔使點醬汁。手切頂級安格斯$198睇樣都知高質素！油花平均，望落色水新鮮，打邊爐浸一浸，唔使太耐，食落肉質好滑，肉味亦濃。脆肉鯇魚腩 （半）$53
今日無啦啦突然涼左，落雨，
著少左衫出街，凍凍地，搞唔掂，
晚餐一於黎個雞煲打邊爐回回體溫先！
呢度雖然做雞煲火鍋，
但環境一d都唔麻甩，
走高尚優雅路線，
企理乾淨，清靜雅緻，好好坐！
仲有半開放位置，
車泊正喺出面仲可以睇住。
一坐低店員就已經準備好醬料俾我地揀，
有豉油、葱、辣椒、蒜蓉、炸蒜、沙嗲醬、花椒油，
都好齊全。
雞煲（雞脾半份） $178
雞煲有得揀雞脾/雞胸/全隻雞，
雞脾就啖啖肉，
2個人叫半隻就夠！
一上台就聞到撲鼻嘅花椒八角香料香氣，
呢度既小辣，辣度啱啱好，
仲帶少少甜味！
惹味好味！
入面仲免費有豬皮同娃娃菜！！
豬皮索晒d雞煲汁，有少少甜甜地，超好食！
另外店員服務好好，
時不時會行過嚟幫我哋畢下個雞煲，
調較火力，
make sure個雞煲唔會黐底。
服務讚！
清熱滋潤竹蔗茅根($58)
超級冰凍！
清甜，配雞煲啱曬！
食完雞煲可以加湯再打邊爐，
我哋揀咗清熱下火既 清香皮蛋芫茜湯($43)，
因為本身已經有個雞煲醬汁底，
再直接加湯喺入面，
其實後面嘅食物都唔使點醬汁。
手切頂級安格斯$198
睇樣都知高質素！
油花平均，望落色水新鮮，
打邊爐浸一浸，唔使太耐，
食落肉質好滑，肉味亦濃。
脆肉鯇魚腩 （半）$53
半份都有6件，
件件厚身大件
好新鮮，爽脆！
鬼馬墨魚 （ 油炸鬼墨魚滑）（半） $38
墨魚手打自家製。
新鮮彈牙，好食！
呢個鬼馬墨魚，
唔係好多地方有，都值得試下。
張貼
