Boy n Burger (已結業)

呢間漢堡包店裝修充滿美式復古風格, 果然一個靚既裝修係可以吸引人去幫襯😆而且仲有個開放式廚房, 可以睇到食物點樣製成。店內menu選擇好多, 除左多款漢堡包, 亦有多款小食同飲品。🍔Cheese burger芝士漢堡 牛肉漢堡扒肉粒分明, 扒邊烤到焦脆, 肉質Juicy唔油膩牛味又重。配菜就加入芝士、本地生菜、洋蔥、蕃茄同自家制醃酸瓜, 係好傳統美式漢堡風味。🍔Bacon Double cheese burger 煙肉雙層芝士漢堡呢間店既牛肉漢堡扒係手工製造, 所以形狀不規則。漢堡包鬆軟, 加上煎得好脆的既煙肉粒同焦香既牛肉漢堡扒, 再配上雙重芝士、洋蔥、茄汁同芥末汁, 使成個漢堡包既口感好豐富。