百花漁莊 (已結業)

灣仔開咗新餐廳: 百花漁莊 ，除咗有午市之外，佢哋晚市係做火煱架，我同朋友一行三人，叫咗 #粥底火鍋。粥底火鍋可以品嘗到海鮮的天然鮮甜味，打完邊爐最後連啲粥都食埋😋😋依度可以選擇嘅款式都幾多，而且我哋人今次人少少，火鍋食物又可以點半份，真係好細心🫶🏻。講到裝修，空間感非常寬敞，而且感覺好舒服。服務員態度非常友善。而家新張訂座重有特別優惠:晚市：2－3位贈送紅糖果仁冰粉，你睇吓晶瑩剔透，冰凍滑溜，而且不會太甜。4位起贈百花小魚兒🐠。依度重有食療湯底，又能滋補養生，下次再嚟呢度試吓先😋