盛記酒家

灣仔「盛記酒家」
低調又有水準嘅中菜好選擇。

▫️ 乾隆醉雞
酒香清醇，雞肉浸得夠時間，
入味得嚟肉質依然嫩滑，皮爽肉緊，骨髓帶少少酒漬。

▫️ 籠子梅菜蒸菜心
創意搭夠傳統！
鋪上梅菜粒薑絲，蒸出嘅甜味完全滲入菜心，菜葉軟淋但菜梗依然脆身。梅菜鹹度控制得啱啱好，簡單但見功力！

#香港美食

▫️ 窩燒香醋骨
一上枱醋香溫和，排骨燒到焦糖色澤亮身。
咬落外層微脆，肉質鬆化唔黐牙，醋汁甜酸平衡得恰好。

餐後仲送上糖水，服務唔錯！
適合聚餐傾偈，仲可以自帶酒水免開瓶費