影片
更多
2020-10-01
475 瀏覽
又陪老公食辣野～試下呢間紅花會，個名好有氣勢以卡位為住，燈光裝修配合感覺舒服蒜泥白肉卷物造型既五花腩肉，視覺上比起坊間既來得有睇頭，幼嫩既青瓜切絲夾隨其中，與上面深竭色炸蒜醬汁形成強烈對比～未動雙筷經已聞到濃郁椒味蒜香，薄切腩肉不單外層晶瑩透亮，入口又唔會有粗糙感。喺碟面既辣椒紅油上面來回沾幾下，夾雜惹味既炸蒜脆粒及大量辣椒籽一起咀嚼有層次之餘，腩肉更添香辣感及滑溜度。蘊含清爽氣息的青瓜襯托之下，辣的主調更加深刻回味，食左兩三卷胃都慢慢暖起上黎。紹菜肉菘炒粉絲前菜過後叫左個醒胃小炒，配料以爽甜既紹菜加入少量香口滋味既芹菜粒，伴入豬肉碎粒連蝦米乾辣椒一起炒香。重點放係幼細粉絲，每根都均勻地吸收濃厚兼咸香肉汁精華，啖啖來得爽彈軟硬度剛好，炒出來金黃有光澤帶點油潤，好味到停唔到口，飽肚感十足。紅花椒香脆辣雞選用圓渾肥美嫩雞，半隻份量夠晒兩人享用。雞皮烘烤出赤紅之色澤而且油亮，單睇横切面就知其皮薄香脆程度。雞肉白哲肉質非常嫩滑，皮下脂不算特別多，一口接一口超邪惡!連皮入口咬嚼，誘人既雞油香氣源源不絕般充斥味覺神經，肉層不會乾柴帶渣感，味道濃厚兼爆汁，滋味值囉滿分
試下呢間紅花會，個名好有氣勢
以卡位為住，燈光裝修配合感覺舒服
蒜泥白肉
卷物造型既五花腩肉，視覺上比起坊間既來得有睇頭，幼嫩既青瓜切絲夾隨其中，與上面深竭色炸蒜醬汁形成強烈對比～
未動雙筷經已聞到濃郁椒味蒜香，薄切腩肉不單外層晶瑩透亮，入口又唔會有粗糙感。
喺碟面既辣椒紅油上面來回沾幾下，夾雜惹味既炸蒜脆粒及大量辣椒籽一起咀嚼有層次之餘，腩肉更添香辣感及滑溜度。蘊含清爽氣息的青瓜襯托之下，辣的主調更加深刻回味，食左兩三卷胃都慢慢暖起上黎。
紹菜肉菘炒粉絲
前菜過後叫左個醒胃小炒，配料以爽甜既紹菜加入少量香口滋味既芹菜粒，伴入豬肉碎粒連蝦米乾辣椒一起炒香。重點放係幼細粉絲，每根都均勻地吸收濃厚兼咸香肉汁精華，啖啖來得爽彈軟硬度剛好，炒出來金黃有光澤帶點油潤，好味到停唔到口，飽肚感十足。
紅花椒香脆辣雞
選用圓渾肥美嫩雞，半隻份量夠晒兩人享用。雞皮烘烤出赤紅之色澤而且油亮，單睇横切面就知其皮薄香脆程度。雞肉白哲肉質非常嫩滑，皮下脂不算特別多，一口接一口超邪惡!
連皮入口咬嚼，誘人既雞油香氣源源不絕般充斥味覺神經，肉層不會乾柴帶渣感，味道濃厚兼爆汁，滋味值囉滿分
張貼
