生生。泰港知味 (已結業)

灣仔其實真係好多野食~最近舊同事約左我去食泰國野， 叫生生。泰港知味，佢話新開不如試下 =]我地叫左個泰式椰子雞湯、蒜蓉炒西蘭花、鮮蝦炒金邊粉、串燒 (雞&豬)、芒果燸米飯~泰式椰子雞湯味道清甜，椰味香氣濃郁 ~ 飲落清甜，而入面雞既份量都幾多，又嫩滑，唔錯！蒜蓉炒西蘭花，呢度炒西蘭花炒得好靚，而且食落唔會話硬硬既～ 西蘭花據說營養豐富，能增強免疫力，提高記憶力，朋友都我都好中意。鮮蝦炒金邊粉，金邊粉比較乾身，唔太油，加入鮮蝦、洋蔥同蛋，炒得好入味～另外，旁邊有青檸、 花生、 芽菜，撈埋一齊食真係好滋味！串燒 (雞&豬) 唔會太乾身，燒得唔錯～最後個芒果燸米飯好香好煙韌，芒果又甜，好岩依家呢個季節食！