新泰東南亞餐廳 (已結業)

其實呢度係食東南亞菜，但餐廳名新泰，成日令我誤會左，同人講食泰菜，哈哈。餐牌上有唔同既東南亞菜同甜品，種類算多，有魚有肉有菜，有小食有飯有麵，總有一款岩你！餐廳一出lift 就係，因為近新年，門口都有新年佈置，增加氣氛。安排左坐卡位，位置夠大，坐得好舒服，私隱度都好高！仲可以望落街度，扮下憂鬱😂首先叫左個串燒，有雞牛豬揀，因為朋友唔食豬，所以剩係要牛同雞。雞肉嫩滑，有少少味。牛肉唔太韌，幾實肉。串燒味唔太濃，點埋個醬食剛剛好！幾中意個醬，似沙爹醬，但唔辣，有少少麻醬既感覺，幾岩胃口！菠蘿炒飯面頭有肉鬆、腰果、提子乾。炒飯入面有海鮮、菠蘿、泰國蠟腸。個人好喜歡吃菠蘿炒飯，因為酸酸甜甜甘好開胃。而且料好多，口感豐富又好味！呢個菠蘿炒飯完全滿足到我既要求，正！見到幾多食評都推薦食呢個椰汁大菜糕，就試下！果然無介紹錯！好清甜，但唔係加糖果只甜！仲已經起晒肉，好貼心！唔係講小，都幾大個，平時飲一個都幾十蚊，依家整埋個甜品先六十幾，抵食！蒜蓉炒軟殼蟹，好惹味！雖然配料多過蟹，但啲配料好好味，有三色椒、洋蔥、乾蒜等。炒埋好香口，少少辣。軟殼蟹真係好軟，哈哈，夾住配料食好好味！！幾滿意今餐，各樣食物都