點點心 (已結業)

去到灣仔, 又唔想食茶餐廳, 去茶樓又怕貴, 見到有間食點心, 個樣又靚靚仔仔, 光光猛猛, 就決定一試。見到餐牌, 已經好多好多野想食, 不過因為肚皮有限, 試住幾樣先LA。1)真係菠蘿包。見個名就想知知何方神聖, 上台後咬左一啖… … 好熱呀, 入面真係有菠蘿架, 而且有D奶黃, 細細隻, 好好味。2)蝦多士。無咩SPECIAL, 同平時食嘅無分別。3)蒸蘿蔔羔。本身自己唔鍾意食蒸蘿蔔羔, 因為縑林滋滋, 又無味, 好粉; 今次因為友人鐘意食, 所以都嗌左, 點知一食就改變左我對蒸蘿蔔羔嘅睇法, 今次蒸蘿蔔羔係好實, 入面真係有大約闊3-4mm, 長5mm嘅蘿蔔粒, 蘿蔔粒仲要係好多, 所以唔似平時個d咁鬆散, 粉味咁重。4)鳳”找”排骨飯。飯偏干身, 自己又鍾意食硬飯, 所以都好o岩我口味。