Jo Jo Indian Cuisine

簡直係隱藏嘅寶藏呀～向來都覺得咖喱來講就印度咖喱最好食，估唔到灣仔都有咁正宗口味嘅印度咖喱。佢係一間上樓舖，餐廳都幾大間環境好舒服，食客都係外國人為主。

菜式選擇非常之多，淨係咖喱都已經有好多唔同款式，未計其他小食。附送嘅胡椒餅香脆可口，搭咗三種唔同嘅醬汁

我就揀咗馬德拉斯咖喱羊肉$148，佢係有椰汁同埋南印度香料製作而成，好有辣勁，亦帶着少少椰汁味。配薄餅食一流～份量亦都唔少。

仲叫咗瑪沙拉雞塊$138，masala咖喱汁比較甜，雞肉本身已經用香料醃咗，非常美味強烈推薦！

我仲叫咗芝士stuffed naan同埋芝士stuffed kulcha ，雖然兩款都係芝士口味，但係後者係採用左印度芝士。個人覺得普通芝士味濃d

整體來講印度口味非常正宗，下次再食！