影片
更多
2025-05-26
360 瀏覽
朋友之前嚟過食，唔係佢嘅話都未必留意到呢間餐廳。坐得相當之舒服，而且成個環境都好有氣氛，都幾適合情侶同埋朋友聚會。雖然每道菜都係啲常見嘅嘢，但係感受到餐廳好有心機製作，連個餐包都零舍香。冇諗過最後仲有雪糕送，超滿意。‣ Dinner Set $388· 南瓜湯南瓜湯係餐廳自己整，味道好溫潤又濃郁，飲得出唔係罐頭湯，飲落去喉嚨都覺得好舒服。· 自家製百里香蒜蓉牛油餐包雖然外表睇落同其他餐包冇乜分別，但係咬落去嘅時候會有一浸百里香蒜蓉嘅味道滲出嚟，香味唔會搶咗餐包嘅甜，作為一個超鍾意餐包嘅人覺得好好食。· 凱撒沙律沙律都係咁，啲菜都好新鮮。不過我幾鍾意佢嘅蛋，半流心嘅口感好正。· 美國德州秘製醬豬肋骨豬肋骨係好多餐廳都有，但係平時會覺得嗰條味好重手，食完又會好口渴，呢到嘅豬肋骨我覺得處理得好好。秘製醬香得嚟鹹甜比例啱啱好，而豬肋骨啲肉煮得相當稔，但又不失口感，我覺得係幾有驚喜。· 230 g 美國平鐵牛扒牛扒就一定冇得輸，外皮帶有微微嘅炭香味，而且煎得相當之靚，口感絕對冇得輸。雖然本身有搭配阿根廷青醬，但係其實個牛扒好食到你根本唔需要任何醬料，甚至唔想點醬汁。· 餐飲餐飲就嗌咗個凍茉莉花茶
‣ Dinner Set $388
· 南瓜湯
南瓜湯係餐廳自己整，味道好溫潤又濃郁，飲得出唔係罐頭湯，飲落去喉嚨都覺得好舒服。
· 自家製百里香蒜蓉牛油餐包
雖然外表睇落同其他餐包冇乜分別，但係咬落去嘅時候會有一浸百里香蒜蓉嘅味道滲出嚟，香味唔會搶咗餐包嘅甜，作為一個超鍾意餐包嘅人覺得好好食。
· 凱撒沙律
沙律都係咁，啲菜都好新鮮。不過我幾鍾意佢嘅蛋，半流心嘅口感好正。
· 美國德州秘製醬豬肋骨
豬肋骨係好多餐廳都有，但係平時會覺得嗰條味好重手，食完又會好口渴，呢到嘅豬肋骨我覺得處理得好好。秘製醬香得嚟鹹甜比例啱啱好，而豬肋骨啲肉煮得相當稔，但又不失口感，我覺得係幾有驚喜。
· 230 g 美國平鐵牛扒
牛扒就一定冇得輸，外皮帶有微微嘅炭香味，而且煎得相當之靚，口感絕對冇得輸。雖然本身有搭配阿根廷青醬，但係其實個牛扒好食到你根本唔需要任何醬料，甚至唔想點醬汁。
· 餐飲
餐飲就嗌咗個凍茉莉花茶同埋綠茶，清清地無糖可以幫手降低食肉之後嘅膩感，成餐飯食得相當之舒服。
張貼
