十兄弟車仔麵 (已結業)

車仔麵愛好者既我今日黎左呢間灣仔既十兄弟車仔麵試食，總共叫左1碗車仔麵同1個小食，試完呢間車仔麵又有驚喜喎！車仔麵方面叫左碗呢碗唔嘢少，見到個名已經好好奇🤣睇一睇配料，配料一共有5樣，包括蠔油冬菇，香辣玻璃魷魚，鮑汁魚肚，豪王紅燒鮑魚，日本珍寶蟹柳，一碗$75，見到有鮑魚已經知呢碗野真係唔嘢少😆鮑魚比足2大舊，咬落爽口彈牙，有口感，鮑汁濃味，配埋個湯底好夾，麵都唔會淋，呢碗車仔麵可以一試！而小食方面叫左個滷水雞中翼，一碟$28有5隻，滷水汁濃味，雞翼入味，28蚊黎講值得一試！平時我對車仔麵都算高要求，今次呢間十兄弟車仔麵又冇令我失望，下次行開灣仔會再試埋其他野食！