NINETYs (皇后大道東) (已結業)

聽聞灣仔有間開咗無幾耐嘅咖啡店，所以就去咗食lunch~因爲餐廳座位較少，所以我地等咗差唔多半個鐘先有位。餐廳唔算寬敞，座位比較逼，但係都坐得ok舒服嘅~當日唔太肚餓，所以兩個人只係叫咗兩個brunch，一個係Brekkie sandwich，另一個就係Acocado on Toast 。Brekkie sandwich 用料豐富，漢堡包入面夾住煎香嘅腸仔、牛油果碎、羽衣甘藍、番茄同太陽蛋，就好似食緊All-day breakfast一樣，響漢堡包旁邊放左少少醬汁，味道似係燒烤醬，酸酸甜甜，都幾醒胃。多種材料嘅味道都幾夾，唔會有格格不入嘅感覺，但係食到最尾就有少少膩，但整體而言都係好味嘅。至於Acocado on Toast就比較單調，麵包上面只有炒滑蛋同牛油果碎，但係都其實都幾好味，因爲炒蛋整得好香滑，同牛油果味道好夾！聞到隔離食客點嘅咖啡都好香~餐廳日間只係供應brunch同飲品，夜晚就供應其他菜式例如飯、意粉等等(其實dinner menu 望落比較吸引)。下次去可以試試咖啡同晚餐哦~