影片
更多
2020-05-24
333 瀏覽
記不起幾耐冇鋸扒了, 今晚相約為食友來灣仔剛開業不久的Moo Moo's 扒房鋸扒, 一出LEFT口…….從這個餐廳入口的格仔皮梳化已略知Moo Moo's走classic 扒房路線。餐廳裝飾走高貴閑優皮路線, 牆上設酒櫃, 歡迎食客選啱自己心水酒品配牛扒, 近窗的bar 枱無遮擋望軒尼詩道, 喺度同朋友摸住酒杯底閒話家常, 很寫意。餐廳新開張, 暫時原來只有這個餐牌, 當然還有一個專為酒水而設的酒餐牌, 自家餐包 + Romaine salad + Premium USDA Ribeye Steak + 薯條任食 =$298自家餐包及多士配肉桂醬甜餐包鬆軟, 熱辣辣, 甜甜地, 軟綿綿, 還沒搽肉桂醬已經畀我食晒, 好味道!甜包多士焗得外脆內軟, 搽上肉桂醬食, 脆口得黎又加添一份香甜, 肉桂醬 creamy and smooth, 肉桂味都幾強, 個人本身鍾意肉桂嘅味道, 幾鍾意呢個麵包醬, 佢啲自家餐包好正, 我同為食友已經諗定, 如果陣間食唔飽就encore餐包。Romaine salad清爽沙律菜、香滑流心蛋、鹹香煙肉粒及脆口麵包粒, 配少芝士絲及芥末醬, 清爽得嚟, 鹹香怡
餐廳裝飾走高貴閑優皮路線, 牆上設酒櫃, 歡迎食客選啱自己心水酒品配牛扒, 近窗的bar 枱無遮擋望軒尼詩道, 喺度同朋友摸住酒杯底閒話家常, 很寫意。
餐廳新開張, 暫時原來只有這個餐牌, 當然還有一個專為酒水而設的酒餐牌, 自家餐包 + Romaine salad + Premium USDA Ribeye Steak + 薯條任食 =$298
自家餐包及多士配肉桂醬
甜餐包鬆軟, 熱辣辣, 甜甜地, 軟綿綿, 還沒搽肉桂醬已經畀我食晒, 好味道!
甜包多士焗得外脆內軟, 搽上肉桂醬食, 脆口得黎又加添一份香甜, 肉桂醬 creamy and smooth, 肉桂味都幾強, 個人本身鍾意肉桂嘅味道, 幾鍾意呢個麵包醬, 佢啲自家餐包好正, 我同為食友已經諗定, 如果陣間食唔飽就encore餐包。
Romaine salad
清爽沙律菜、香滑流心蛋、鹹香煙肉粒及脆口麵包粒, 配少芝士絲及芥末醬, 清爽得嚟, 鹹香怡人。
甘香滑溜的流心蛋
8安士Premium USDA Ribeye Steak 配墨西哥辣醬
美輪美奐及色澤誘人的主角隆重登場
牛扒我叫五成熟及要求不見血液, 廚師滿足到我嘅要求, 100分, 牛扒外層煎得焦香, 切開卻肉色油澤鮮嫩, 粉嫩的紅肉, 色澤誘人, 肉汁豐富。
牛扒帶少許肥肉,入口更顯甘香, 牛扒肉質鮮嫩卻不失口感, 有點嚼口, 肉味頗濃郁
墨西哥辣醬用洋蔥、蕃茄醬、辣椒粉及薑粉等比較強烈的香料調配, 又香又辣辣地, 其實幾好味, 如果要來拈墨西哥脆餅食就一流, 但拈牛扒個人就覺得太搶味, 最終我餘下的牛扒還是拈少許附碟的即磨黑胡椒碎及海鹽提味, 加咗海鹽嘅牛扒更美味, 好耐冇食過咁正嘅牛扒了, yummy
炸薯條 (無限添食)
我同為食友講, 佢嘅炸薯條有啲m記feel, 不過就畀m記厚身少少, 同埋脆口好多, 條條薯條都脹卜卜, 入口嗦嗦聲, 廚師炸好後已經灑上幼鹽, 鹹鹹地, 外脆內棉, 傾下食下, 咁大兜薯條畀我一個人 KO 晒。
咁舒服嘅環境, 加上咁高質嘅牛扒, $298/set , 抵食! 我哋坐下嘅鴻圖大志....要encore 餐包及薯條消失得無影無蹤, 食完整個set已經超飽了, 還有非常nice的服務員, 令我跟為食友過了一個輕鬆忘憂吹水夜。
張貼
