新南苑私房菜火鍋鷄煲 (海德中心) (已結業)

早幾日去到修頓睇波，同朋友6 點去到灣仔買完飛就梗係醫肚，同事之前有介紹過話有間好抵食既任食雞煲，8點前埋單，2百幾就搞掂！過去謝斐道嗰邊揾揾，唔難發現，因為好大個招牌喺樓下！6 點鬆d上到去已經人頭湧湧，好大個魚缸擺滿好多海鮮，有各式各樣既魚，龍蝦，貝殼類等，感覺好好新鮮！估唔到咁早嚟到都咁多人，應該真係好抵食，吸引左好多食客，除左大堂坐滿外，仲有好多唔同既主題房都坐滿左！除左啤酒外，飲品都係任飲唔嬲！調味架有各式各樣調味配料，一定配到啱心水既醬汁！唔想飲甜野，拎左壺自家製冰茶飲，回甘味十足，待應話呢種茶非常消滯解渴！雞煲熱辣辣送上，待應好好咁幫我哋炒左幾次就食得，打開蓋嗰下香噴噴，非常惹味！份量都幾大，足一隻食，朋友話雞味幾好，我就話d雞滑得嚟幾有咬口同惹味，而且醬汁都幾入味！雞煲食完我哋以為加湯轉打邊爐之際，一盆盆限量供應配菜送到檯上，真係睇見都新鮮，龍蝦大大隻，仲有鮑魚，蠔，蝦，脆肉鯇，怪不知同事推介話好抵食，見到呢盆海鮮拼盤，我終於明白點解！仲有鮮紅色，賣相好好既雪花牛，滾完好鮮甜既雪花肥牛！仲有好彈牙既手打丸，都係好出色！配料唔錯，咁個窩又點？ 個蕃茄南瓜蟹湯底真係幾足料！