Boy n Burger (已結業)

今日係灣仔收工，經過餐廳門口見到隻吉祥物Bobby，就入左嚟買個外賣晚餐返去食。餐廳由朝早8點開到夜晚10點，不論朝早趕住返工既打工仔，或者夜晚嚟食個快餐都好方便。入到嚟係門口既收銀處排隊落單，食物即叫即整，質素有品質保証，再自己搵位坐低，等叫號拎食物。Seoul Burger韓式泡菜牛肉漢堡，食到啖啖泡菜，充滿韓式風味。Bacon Double Cheese Burger雖然外表同前一幅Seoul Burger好似樣，但食落係另一風味。切粒既煙肉加上味道濃郁既芝士，夠哂滋味。Popcorn Chicken份量都幾多，咬落好crispy。Skinny Fries偏幼身既薯條，點埋茄汁食仲正。Meko Lemon Tea唔鐘意飲汽水的話，嗌樽檸檬茶就啱哂。Orange Juice甜甜地仲帶少少果肉，幾唔錯。