士林·便丼達人 (帝城大廈) (已結業)

🍱灣仔原來開左間台式便當店，前排見佢餐牌有好多唔同搭配，一於放工過去試試佢先。店舖細細只係得2張高枱夠4個人坐低堂食，相信佢地嘅主要客源都係黎自附近商業區嘅打工一族。🦴香酥排骨肉燥乾拌烏冬 $➏⓿ 先講佢排骨真係好大塊，啖啖肉之餘肉質仲好嫩口juicy。肉燥乾拌烏冬比想像中濃味，同埋唔會太過乾有啲肉燥汁濕濕地。烏冬彈牙同埋份量真係好多。🍲滷蛋豆腐古早肉燥便當 $➎⓿唔想食肉健康啲可以叫呢個滷蛋豆腐便當，豆腐用滷水煮過索哂滷水汁同味，咬落去仲好juicy。本身佢應該預左外賣生意為主，包裝盒同碗都好實淨企身靚仔，唔會怕買走翻公司屋企食會好麻煩。🐥士林鹽酥雞 $➋➑鹽酥雞基本係我食台灣野必嗌嘅小吃。佢呢度有分正常份量同輕食份量，如果2個人食嘅話，輕食份量都好夠share。雞肉唔會炸得乾身，表面炸粉唔會厚同埋好鬆脆，食到會好難停口。🍠脆口甘薯紫芋餅 $➋➑外貌似日式薯餅，切開見到內裏淺紫色嘅紫芋蓉仲有甘薯粒做內餡，口感綿得黎又重芋頭味。不過食完便當之後再要一人食一塊炸物就真係有啲heavy 😂眼闊肚窄嘅後果係夾硬食，建議有3,4個人分享會更開心呀！📍士林·便丼達人 灣仔謝斐道313-323號帝