影片
更多
2021-11-15
3268 瀏覽
首先係拉麵紙度揀想食既拉麵, 再揀麵既粗幼, 再揀質感, 之後再揀要唔要蔥同木耳💁🏾♀️ 最後就係加配料或者餃子同飲品🥤 揀好左俾Staff就得嫁喇😎 除左拉麵之外, 呢度有任食既麻油辣芽菜超好食, 鹹鹹地地紅姜同埋蒿菜🥬一虎拉麵🍜($95)豬骨湯底好濃郁, 唔係死鹹果隻, 絕對唔係純味精既湯底👍🏽 呢個揀左襯幼麵, 麵質夠彈牙, 仲要掛曬湯, 正🤤 配料方面就有大量爽口既木耳絲, 蔥花, 兩塊偏瘦既叉燒同埋一隻超好食帶少少酒味既溏心蛋🍳 雖然看似普通, 但係食完會令你難忘既一碗😍赤虎拉麵🌶($92)見到個赤字都知係辣, 真係都幾辣, 但係佢既辣食既時候係勁爽, 會令你想不停咁食, 但食完既時候後勁就開始湧出黎🥵 呢個就揀左正常軟硬度既粗麵, 比幼麵更有口感👍🏽 配料同一虎拉麵一樣只係冇左隻蛋💁🏾♀️ 其實佢既偏瘦叉燒真係唔錯, 冇乜肥膏可以成塊食曬🤩煎餃子🥟($38)新鮮煎好既餃子勁熱辣辣, 餃子皮脆脆地, 菜肉餡真材實料, 點埋個酸酸地既醋幾開胃😌成年幾冇食過拉麵, 今次食返真係覺得有驚喜, 明白點解咁多人黎排隊, 食得出真材實料用心製作既拉麵, 係而家冇得去日本既情況下, 能夠係
首先係拉麵紙度揀想食既拉麵, 再揀麵既粗幼, 再揀質感, 之後再揀要唔要蔥同木耳💁🏾♀️ 最後就係加配料或者餃子同飲品🥤 揀好左俾Staff就得嫁喇😎 除左拉麵之外, 呢度有任食既麻油辣芽菜超好食, 鹹鹹地地紅姜同埋蒿菜🥬
一虎拉麵🍜($95)
豬骨湯底好濃郁, 唔係死鹹果隻, 絕對唔係純味精既湯底👍🏽 呢個揀左襯幼麵, 麵質夠彈牙, 仲要掛曬湯, 正🤤 配料方面就有大量爽口既木耳絲, 蔥花, 兩塊偏瘦既叉燒同埋一隻超好食帶少少酒味既溏心蛋🍳 雖然看似普通, 但係食完會令你難忘既一碗😍
赤虎拉麵🌶($92)
見到個赤字都知係辣, 真係都幾辣, 但係佢既辣食既時候係勁爽, 會令你想不停咁食, 但食完既時候後勁就開始湧出黎🥵 呢個就揀左正常軟硬度既粗麵, 比幼麵更有口感👍🏽 配料同一虎拉麵一樣只係冇左隻蛋💁🏾♀️ 其實佢既偏瘦叉燒真係唔錯, 冇乜肥膏可以成塊食曬🤩
煎餃子🥟($38)
新鮮煎好既餃子勁熱辣辣, 餃子皮脆脆地, 菜肉餡真材實料, 點埋個酸酸地既醋幾開胃😌
成年幾冇食過拉麵, 今次食返真係覺得有驚喜, 明白點解咁多人黎排隊, 食得出真材實料用心製作既拉麵, 係而家冇得去日本既情況下, 能夠係香港食返碗連日本人都讚既拉麵係正既😌 下次會想再黎食檸檬拉麵呀😮💨
張貼
