Kelly's Cape Bop (已結業)

呢間係朋友介紹，係食韓國野，但佢又唔係一般嘅手卷，唔係一般嘅炸雞，亦唔係一般嘅炸年糕。 記住呢間係外賣店，不設堂食架。呢到有個小小展板講返小店嘅故事，係米芝蓮呀。餐單，都有好多野揀同拼唔同食物嘅set 。一人食duo set 又得，同朋友叫唔同菜式又得。包裝就好似咁啦。一落左order 就即刻整。唔好怪我大驚小怪，原來啲蛋餡係咁整。（1)duo set ，$100，轉蛋，$10）佢個rice roll可以配唔同嘅肉（或者菜，所以食素者都岩架），我就叫左牛肉。而正常rice roll 係包飯，我地就加左10蚊轉蛋！超正。牛肉碎碎，偏稔，同隻蛋一齊好夾，咬落先有蛋，再牛肉，再係中間啲蔬菜，又飽又健康。Duo set 除左roll仲有小食揀，我地叫左seaweed dumpling，有三舊，岩岩炸起，外脆，內餡係類似粉絲的東西，咸咸的，都好食。個炸雞，$70，除左炸雞，仲有炸年糕、炸蓮藕、炸番薯。我呢種紮法，同天婦羅嗰隻好唔同，冇咁趣，但都好食嘅，同埋無咁熱氣。整體來講呢，以香港嘅韓國食物黎講，價位都合理，嘢食係意外地好食，性價比我會畀8.5/10。