貓之眼

營業中

休息中

招牌蛋包飯！喺灣仔小巷入邊，呢間日式餐廳喺午市時段大排長龍，餐廳裝修比到我日式家庭小店嘅感覺，彷彿返咗去日本食蛋包飯。招牌三色蛋包飯$82- 我揀咗咖喱豬肉和濃茄牛肉，朋友有揀到忌廉雞肉。首先介紹餐廳主角蛋包飯，佢唔係蛋皮，而係滑蛋，蛋香味濃，配上自選嘅蕃茄汁同咖哩汁簡直係一流！我最中意濃茄牛肉，鮮茄酸甜開胃，減少左滑蛋嘅油膩感。另外，日式咖喱豬肉都唔錯，如果可以加多一啲辣度就更加好。總括嚟講蛋包飯係好食，不過價錢有啲偏高，似去左日本食出名蛋包飯嘅價錢，雖然灣仔區食肆價錢係咁上下，所以耐唔耐嚟排隊食一次半次都可以。