一起食堂 (軒尼詩道)

星期五想同個同事食好啲，見到呢間環境裝飾都精緻，坐嘅座位唔迫又舒服，就入去試試喇！
果然好好食

花雕麻油雞湯麵

$106

🐥花雕麻油雞湯麵
好香濃嘅香菇味配埋花雕酒感覺好順口，湯飲多多都無味精嘅口渴感。
麵好滑身，吸收咗啲充滿香菇味嘅花雕湯。

豚肉生薑燒飯

$96

🐖豚肉生薑燒飯
豚肉同生薑味道配合得好好。混埋半熟蛋，超開胃。豚肉無燒得過乾，過硬。豚肉切得薄薄，燒汁入味，肉質溶化。

🐥滷雞翼
滷得好入味，鬆化嘅雞肉，入口啖啖肉，好正！

🌭烤台灣香腸
脆脆香腸皮，肉嘅口感堅實，唔咸

午餐想有杯嘢飲？只要加$14 就可以選擇一杯$28以下嘅飲品🧋飲品嘅選擇都幾多，由奶茶到冷泡茶都有