影片
更多
2021-04-19
166 瀏覽
今日心血來潮想食酸菜魚🐟，醒起同事推介過灣仔附近有間川菜餐廳🍴好食而且唔貴，作為嗜辣者既我地決定相約一戰。餐廳位於銅鑼灣和灣仔之間謝斐道凱聯大廈2樓，主打川菜，仲有多款香辣菜式😍甫踏進餐廳🍴，裝潢新潮，以紅色為主調，配以大量卡位，圓桌雅座。我哋二人哋被安排到四人卡位，坐得舒適，私隱度高。中午時段有商務套餐，二人套餐：包三款前菜、明火例湯、水煮魚或者老壇酸菜魚，一個炒飯仲有甜品🍮，一定夠曬飽。前菜：醋辣雲耳：醋味濃郁，食落酸酸甜甜，辣椒🌶️碎中和酸味，雲耳食落爽脆，非常醒胃。椒汁鮑魚：鮑魚切成薄片，配上大量青辣椒，整碟充滿花椒八角麻香，辣度還好，鮑魚先甜爽彈，仲好有誠意用鮑魚殼裝飾😀麻辣豬耳絲：紅油染滿豬耳絲，大量蔥花同芝麻，十分香口，充滿骨膠原。是日例湯🥄:椰子🥥雞湯有助養血補氣，適合體虛氣血不足人士飲用，老火湯飲落順滑，味道清甜滋潤，帶點牛奶香氣，飲得出加咗海底椰雞肉熬製而成，增加養顏效果。主菜：老壇酸菜魚（中窩）：我哋揀咗桂魚貪佢厚身大大塊，食落好嫩口， 好似吾洗咬都直接吞落口。湯入邊有毫不吝嗇的酸菜、大豆芽菜，花椒八角、辣椒🌶️粒，我哋太食得辣覺得唔算話太辣，下次要叫加辣先，最鍾意佢
餐廳位於銅鑼灣和灣仔之間謝斐道凱聯大廈2樓，主打川菜，仲有多款香辣菜式😍
甫踏進餐廳🍴，裝潢新潮，以紅色為主調，配以大量卡位，圓桌雅座。我哋二人哋被安排到四人卡位，坐得舒適，私隱度高。
中午時段有商務套餐，二人套餐：包三款前菜、明火例湯、水煮魚或者老壇酸菜魚，一個炒飯仲有甜品🍮，一定夠曬飽。
前菜：
醋辣雲耳：醋味濃郁，食落酸酸甜甜，辣椒🌶️碎中和酸味，雲耳食落爽脆，非常醒胃。
椒汁鮑魚：鮑魚切成薄片，配上大量青辣椒，整碟充滿花椒八角麻香，辣度還好，鮑魚先甜爽彈，仲好有誠意用鮑魚殼裝飾😀
麻辣豬耳絲：紅油染滿豬耳絲，大量蔥花同芝麻，十分香口，充滿骨膠原。
是日例湯🥄:
椰子🥥雞湯有助養血補氣，適合體虛氣血不足人士飲用，老火湯飲落順滑，味道清甜滋潤，帶點牛奶香氣，飲得出加咗海底椰雞肉熬製而成，增加養顏效果。
主菜：
老壇酸菜魚（中窩）：我哋揀咗桂魚貪佢厚身大大塊，食落好嫩口， 好似吾洗咬都直接吞落口。湯入邊有毫不吝嗇的酸菜、大豆芽菜，花椒八角、辣椒🌶️粒，我哋太食得辣覺得唔算話太辣，下次要叫加辣先，最鍾意佢揀咗蓮藕薯粉非常煙韌。
蛋黃肉：
貌似鹹蛋蒸豬肉，食落好綿密，充滿豬肉香鬆，好豪氣一整一整粒鹹蛋黃，好香。
主食：
XO醬海皇炒絲苗：絲苗米的確幼身，粒粒分明，XO醬唔算多但勝在有搖柱絲吊味，仲有好多蔥花粒增加口感。
茶燻樟茶鴨（另散叫，不包括在套餐內）：
樟茶鴨是功夫菜，工序繁複，色澤深紅，發出淡淡煙燻香味，肉味經過烤焗，非常濃郁鹹香，好似食緊鹹豬手咁，但係當然無咁鹹，沒有多餘嘅油脂，好味。
甜品🍮：
金絲棗蜂蜜黑糖糕：外貌好似黃金糕咁，一梳梳魚翅，好煙韌，質地好似白糖糕，美滿。
總結：
高水準商務二人午餐
頂級川味料理 大推酸菜魚🐟
張貼
