勝記酒家 (已結業)

爸爸一向鍾意食中菜，最近有朋友介紹佢去一間酒家食乳豬，於是佢就好快訂咗位，星期日我哋家庭日一齊去試下！呢間酒家喺灣仔，叫勝記，除咗食乳豬之外，仲有其他小菜。首先，先嚟例牌乳豬一份，乳豬皮脆肉嫩，食落一啲都唔膩，果然係食乳豬嘅專門店。除咗乳豬，家姐叫咗兩隻炸乳鴿，脆卜卜，一人一隻用手食，蘸埋淮鹽，即刻令我諗起細個同家姐爭食嘅日子！我仲未夠喉，仲叫多半隻炸子雞，今次真係一個禽畜宴！下一個係每次都會叫嘅咕嚕肉，有麥芽糖，酸甜味啱啱好，肉脆，整體感覺好好！是日牛柳粒特價，估唔到會好稔，又入味，值得推薦比大家。媽咪叫咗一個海鮮雜錦煲，味道鮮甜，粉絲索哂所有湯汁，好正。呢間乳豬專門店果然名不虛傳，大家快啲去試下啦！