影片
更多
2009-06-28
36 瀏覽
今早約了未來老婆跟她台灣老闆到九龍灣德福喜悅軒食飯....囉到位坐低十一點半...見到枱面有張"早晨套餐"...一個粥或飯 + 1 中點 + 1 大/特點..都係幾十蚊...仲寫住七點都十二點有效....見字立刻點左3 SET...叫待應入單...不一會, 待應話無哂粥.....我拿拿林轉哂D粥轉做飯.....再轉頭...佢拿返張紙返黎話..."話張單唔入得架啦"....我手指向單....話.."你寫明七點到十二點架喎...宜家十一點半咋喎"....待應話..."等我問高層先...."一分鐘後...待應同我講...對唔住呀..賣哂啦...我當堂心火盛.....(鬼叫我訓得個四個鐘).....我同佢講"我點左九樣野, 你樣樣都賣哂?????????"待應啞左一陣...低聲講...唔好意思......唔係未來老婆老闆係度我一定會走....咁無計啦...囉返張正價點心紙剔點心啦...但我越點越火....因為見到D野同我套餐入面既野差唔多一樣....但要比貴幾倍...我見到個待應叫佢埋黎..."你話早餐D野賣哂丫嘛.....咁係咪即係話用正價單入單都會無架?"佢知我分明玩野...唔出聲轉頭就走
不一會, 待應話無哂粥.....我拿拿林轉哂D粥轉做飯.....
再轉頭...佢拿返張紙返黎話..."話張單唔入得架啦"....
我手指向單....話.."你寫明七點到十二點架喎...宜家十一點半咋喎"....待應話..."等我問高層先...."
一分鐘後...待應同我講...對唔住呀..賣哂啦...
我當堂心火盛.....(鬼叫我訓得個四個鐘).....我同佢講
"我點左九樣野, 你樣樣都賣哂?????????"
待應啞左一陣...低聲講...唔好意思......
唔係未來老婆老闆係度我一定會走....咁無計啦...囉返張正價點心紙剔點心啦...
但我越點越火....因為見到D野同我套餐入面既野差唔多一樣....但要比貴幾倍...
我見到個待應叫佢埋黎...
"你話早餐D野賣哂丫嘛.....咁係咪即係話用正價單入單都會無架?"
佢知我分明玩野...唔出聲轉頭就走...
最後我用正價單落左七樣野...其中有一D係我早晨套餐點過既....
心諗..唉...奸商...係咁架啦...自己唔好彩啦....
食到差唔多完....俾我見到隔離張枱拿住張 "午飯套餐"既點心紙....我身上既小宇宙默默地燃燒係上黎....
我粒聲唔出,走去收銀到問: "邊個係經埋?"......部長係隔離問乜野事...我同佢講早餐入唔到單既事....佢又係同我講話賣哂.....我立即火滾!!!!!!!!
哩一下..唔係錢既問題...係我俾人DOUBLE矇既問題...試想想....你話早餐賣哂哩個借口已經係爛GAG...到我見到有午市套餐你又唔俾我知....我唔知道佢當我係客..擺明當我係羊牯....
部長打圓場話同我跟返張單...睇下有乜野可以做... 我俾低$500同佢講,我有客係度唔想同你嘈...你同我搞點佢...
五分鐘後部長黎我張枱..送上三碗紫米露....跟住找錢同我細細聲講對唔住...小小意思....
我出到去先睇返張單...發覺佢全單同我照正價收...盛惠$242...
反而哩一下我無嬲...知係暗笑自己豪氣換來既後果....
張貼