影片
更多
2019-03-25
155 瀏覽
餐廳位於加連威老道街頭，the one 隔離，非常方便，裝修新派舒服，粉紅粉綠配白色及波波黃燈，光線柔和，同一般泰式鋪頭或粉麵舖好大分別。餐廳一面綠色植物牆配大象和篤篤的霓虹燈，一面則是泰國風情畫，加埋桌上的藍色泰國織布為餐廳點上泰式風味。呢度價錢尖沙咀黎講都合理既，一碗粉配兩款肉都係$68，仲有四款湯底、六款肉可以揀。牛船河聞落好重牛香，聽店員介紹，因為是用上牛血同牛湯，所以湯底濃郁肉味重，有大量索湯芽菜，非常正，湯底微微辣，幾好飲，河粉滑溜，而且還有脆卜卜炸豬皮！選了兩款肉，牛腩入味，但我推介大家點鮮牛肉，呢度用安格斯牛，店員話佢地係一大舊牛落舖先切，唔同出面果d，一試之下又的確唔同，質地軟熟無筋，帶牛的甘香，絕對唔係普通薄肥牛，更加唔係茶餐廳落左好多粉果d鮮牛，而且份量都唔少。另一碗我們點了泰保藥膳豬骨湯底配兩款肉（$68），聞落有濃郁的藥材當歸香氣，食落比牛船河清淡，也不錯。配料選了牛肉和牛丸，牛丸細細粒，彈牙，唔會過咸。鐵板蠔仔蛋（$78）用上大粒蠔，好嫩滑，鐵板夠熱！用上大量芽菜墊底，所以蛋的一面放久了會比較濕潤。飲品方面，泰式玫瑰奶茶帶淡淡的粉紅色，甜度適中，終於飲到杯唔
餐廳位於加連威老道街頭，the one 隔離，非常方便，裝修新派舒服，粉紅粉綠配白色及波波黃燈，光線柔和，同一般泰式鋪頭或粉麵舖好大分別。餐廳一面綠色植物牆配大象和篤篤的霓虹燈，一面則是泰國風情畫，加埋桌上的藍色泰國織布為餐廳點上泰式風味。
呢度價錢尖沙咀黎講都合理既，一碗粉配兩款肉都係$68，仲有四款湯底、六款肉可以揀。
牛船河聞落好重牛香，聽店員介紹，因為是用上牛血同牛湯，所以湯底濃郁肉味重，有大量索湯芽菜，非常正，湯底微微辣，幾好飲，河粉滑溜，而且還有脆卜卜炸豬皮！
選了兩款肉，牛腩入味，但我推介大家點鮮牛肉，呢度用安格斯牛，店員話佢地係一大舊牛落舖先切，唔同出面果d，一試之下又的確唔同，質地軟熟無筋，帶牛的甘香，絕對唔係普通薄肥牛，更加唔係茶餐廳落左好多粉果d鮮牛，而且份量都唔少。
另一碗我們點了泰保藥膳豬骨湯底配兩款肉（$68），聞落有濃郁的藥材當歸香氣，食落比牛船河清淡，也不錯。配料選了牛肉和牛丸，牛丸細細粒，彈牙，唔會過咸。
鐵板蠔仔蛋（$78）用上大粒蠔，好嫩滑，鐵板夠熱！用上大量芽菜墊底，所以蛋的一面放久了會比較濕潤。
飲品方面，泰式玫瑰奶茶帶淡淡的粉紅色，甜度適中，終於飲到杯唔係甜到漏嘅泰式奶茶。鹹檸梳打，鹹味唔濃，但無糖我鐘意，清清地配濃湯粉又不錯。
整體我認為呢度環境舒適、 座位闊落、價錢合理，而且服務殷勤有禮，食物方面擺盤精美，牛船河尤其出色，重重重點係食完唔口渴！值得一試。
張貼
