神虎拉麵 (已結業)

一行二人中午去書展前諗住食啲好野，難得見到openrice上面神虎拉麵無喊樣，即該達成共識食呢間。　係灣仔地鐵站行五分鐘，到達後見到有一條人龍仔，相信附近既上班一族都好鐘意食呢間。結果等左大概二十分鐘，終於入得！　因為間店只有２０個位，所以等係預期之內。　二話不說，二人叫左兩碗神虎拉麵，我揀哂蔥，木耳絲等等，再加埋Garlic Oil，粗面，普通軟度；而友人就唔要Garlic Oil，幼面同埋普通軟度。等左５分鐘，食得！第一時間飲啖湯先。好濃郁既豬骨湯！而且口感好creamy同rich，除左豬骨仲有味噌，加上我有加garlic oil，鹹香得黎唔會太膩，所以一啖湯就已經征服左我味蕾。好，食啖麵先！都幾彈牙，但係唔算十分特別。反而友人個碗就因為幼面既關係，更加match番個湯底，而且都無咁快飽肚。而配料都十分唔錯，木耳絲夠爽夠彈牙；蔥夠香；叉燒雖然得一塊，但係都幾厚同好入味，亦煮得好啉。但係隻蛋先係真正精華所在，因為隻流心蛋熟度岩岩好，蛋黃食落口即熔，再慢慢滲出鹵水味，而且鹹中帶甜！正！埋單每人八十幾蚊，都唔算好貴，會番黎再食！