吞POT 雞煲火鍋.住家菜 (山林道) (已結業)

都好一陣子冇打邊爐，今日黎到尖沙咀既吞pot食火鍋。先黎雞煲，雞嘅份量唔算好多，因為我哋揀咗半份。如果食得多嘅就可以喺全份。雞煲湯底味道濃，未食已聞到香味，令人垂涎。手打四寶丸，由四本丸類組成，包括牛丸、蝦丸、墨魚丸同埋黑墨丸，食過都話好食，好想再點，不過飽啦。四寶丸最正就係夠爽口彈牙，而且大大粒，一口都食唔晒，而且好容易掌握個火候，記得唔好錯過。另外，我地點左薯粉，薯粉個質地都幾彈牙，好過普通公仔麵，不過食落有啲飽，所以都食唔晒。飲品方面，我哋叫咗綠茶，因為可以幫助消化，感覺相對健康，好過汽水。埋單$300一個人，以咁嘅食物質素同環境來講係唔錯嘅選擇，會考慮再嚟。