金寶 (已結業)

尋日喺ua睇完戲落番foodcourt食野, 友人揀左食korean辛辣麵,而我就揀食越南粉,始終越南pho係我比較接受嘅食物!湯粉有四種選擇,對特別粉興趣比較大,因為有牛丸,牛腩同柏葉,唔係太想只係食牛肉,上次去老趙食過一次個生牛肉粉就係有太多牛肉嘅感覺 (不過老趙嗰度整得好好味)!四十二蚊一碗,包熱茶一杯,份量都幾多,牛腩軟硬度適中,有點咬頭,牛丸比較甜,味道一般,反而柏葉好爽口,有少少驚喜!湯底呈深啡色,就像用上大量牛湯粉做成,不過飲落味道真係幾好,牛肉味足而帶點甜味,唔知有無加糖.. 不過意見係喺老趙食既牛肉粉好似落左多一點元茜,令味道更越式!!食到一半,先發現原來佢地俾左一包配料俾我,入面有青檸檬, 香花菜等,發現得太"早"...食左一半先把青檸汁加上...味道當堂好左更加多...