麺屋武蔵二天 (已結業)

已經唔再喺美食沙漠嘅馬鞍山，𠵱家比以前的確多左好多食店，中西日泰乜都有得食，今日就揀左呢間(麵屋武藏 二天)，可能係下午茶時間比較靜，店內只有幾位客人，而店內坐位除左有闊落嘅卡位仲有bar枱，店家亦好貼心每個坐位底都有一個藤籃比客人放袋，算幾有日本feel，到食物方面，呢間麵屋武藏 二天同其他麵屋武藏分店餐牌唔同，店家主打招牌係二天拉麵同沾麵，二天即係炸豚肉同雞肉，另一個係日月拉麵同沾麵，而日月就係鰻魚同大蝦，但今日唔想食咁多肉所以就點左店員介紹嘅鰹魚豚切拉麵，湯底係用左大量鰹魚同豚骨去煲，口感creamy而且幾重魚味，而魚味同豚骨味亦好有層次，麵條係細麵，算係軟滑但未有驚喜，半熟蛋算有水準有流心，豚肉入口即溶幾香幾滑，價錢$78算係合理。