樸一拉麵

營業中

休息中

旺角有好多大大小小嘅拉麵店，嗰日同朋友去開旺角，見到呢間樸一拉麵好多人排隊，跟住排試吓。等咗十幾分鐘左右就有得入。餐廳有湯麵同拌麵，唔同時段仲有期間限定拉麵。今次我同朋友就分別揀咗醬油湯同魚介湯，呢啲最基本嘅湯底先食得出一間拉麵店做得好唔好！我揀嘅係醬油湯白麵，配上慢煮梅肉叉燒。雖然白麵係相對幼身，不過師傅都並無煮得太淋，我揀咗硬麵師傅都可以做到啱啱好，唔會太淋/太硬。湯底清而不淡，味道清得嚟依然好有層次，而且硬麵都依然好掛湯。梅肉叉燒因為經過慢煮，一啲都唔會老或柴，反而口感不錯而且肉味好夠。朋友揀咗魚介湯，亦都同樣係配慢煮梅肉叉燒。魚介湯就相對味道鮮好多，更有層次感，味道相對較濃，但又唔會過鹹，湯頭亦唔會好油膩，鮮得嚟剛剛好，同個麵都好來。叫拉麵當然要叫埋炸雞，樸一炸雞炸得幾香口，而且件件都好大舊。配埋佢個沙律醬，食完個拉麵再食炸雞都唔會覺得漏。佢外皮炸到剛好金黃色，雞肉亦唔會柴，3舊2個人分剛剛好。呢個價錢同質素難怪平日都排長龍，佢哋嘅湯底配合麵同肉都非常夾，同日本嘅拉麵都有得比。不過當日因為都好多人排隊，入到店內有點細，但係拉麵嘅質素依然值得排隊一試！