三河屋 (已結業)

呢日同兩個朋友黎到紅磡呢頭，準備睇演唱會。我地約早啲，諗住唔食food court，食下其他野。朋友就帶左小編去附近一間餐廳食日本野。小編一黎到就超級鍾意呢度，唔知點解比小編一種好特別嘅感覺。呢度係舊嘅日式小店嘅樣，雖然舖細位唔太寬闊，但有種溫暖嘅感覺。呢度野食都有唔少嘅選擇，價錢較平。小編嗌左碗拉麵，味道都唔錯，而且都幾大碗，食哂都會飽。個湯唔濃唔淡，略嫌有少少味精嘅感覺。個肉都夠味，個麵都夾口同彈牙，又唔會太硬。整體黎講係幾唔錯，如果喺附近諗唔到食咩可以過黎試下。