妖怪 (已結業)

今日嚟到妖怪，為嘅就係佢哋嘅濃厚雞白湯拉麵🐔🍜先試一啖全雞熬製嘅湯頭，湯汁🥣濃厚香味十足，每一啖湯都充滿濃濃嘅雞肉味！日式溏心蛋口感Q軟，一咬落去，鮮黃色嘅蛋液即刻從濃稠嘅半熟蛋黃中流晒出嚟，實在太銷魂！🤤🙌 覺得口味太重嘅朋友，都可以將搭配嘅溏心蛋同高湯一同攪拌，濃郁嘅湯頭就會更加順口，仲會多咗一股清新嘅蛋香添！特製嘅舒肥雞叉燒，利用低溫嘅方式長時間烹調雞肉，以保留雞肉最原始嘅鮮美，肉質鮮嫩滑順😋 配上口感彈牙嘅拉麵🍜 實在太美味🥹👍🏻另外附送嘅沙律🥗都幾足料，新鮮又爽口。果然係味如其名，的確濃厚非常，令人愛不釋手😍🤤🤤