澳門街雞煲火鍋 (已結業)

荃灣三坡坊食市林立，潮州打冷，火鍋等，不乏街坊捧場客，今晚就係同朋友過嚟試吓新開嘅「澳門街雞煲火鍋🍲」小店雖然裝修普通，但乾淨企理，分兩層經營，樓上專做火鍋放題，樓下炒小菜，小店有火鍋（大人$108）、澳門雞煲/鯇魚煲+火鍋（大人$138）、澳門醉雞鍋/川芎白芷魚頭鍋+火鍋（大人$148）三款，兩小時放題選擇（免收加一）價錢好抵食👍👍我哋點咗澳門鷄煲（小辣）+火鍋🍲 雞煲份量十足，雞件嫩滑入味、豐富配料芹菜仔、芫荽、蓮藕片、洋蔥🧅、紅綠辣椒🌶️，乾蔥頭等，煲住食香噴噴，熱辣辣，食完再加湯打邊爐🍲火鍋配料豐富，放得井井有條給食客選擇：沙白、蝦、鵝腸、雞腎、滑牛肉、蠔仔、枝竹、響鈴、魚頭、鯇魚腩、鮮冬菇、金菇、南瓜片、蘿蔔片、萵筍片、紹菜、西洋菜、午歺肉、墨魚丸、貢丸、牛丸、魚滑、魚片頭、豬皮、豆腐卜、公仔麵、烏冬等等另外，飲品有可樂、甘蔗水、牛蒡茶、馬蹄爽、忌廉溝鮮奶…..及不同牌子樽裝、罐裝啤酒🍻可選擇